Category: Actividad

Diahuebs dia 1 di juni ultimo, e Crisis Management di Aruba Airport Authority N.V. (AAA) hunto cu e departamentonan di gobierno a tene un Tabletop exercise na Bureau Rampen Bestrijding (BRA). Den esaki un parti clave di e personal asigna cu rol y responsabilidad di maneho a reuni pa discuti den un non-threatening environment, un emergencia simula den un standby local cu na momento di aterisahe ta bira un crash landing.

International Civil Aviation Organization (ICAO) ta rekeri pa tur aeropuerto realisa Full-scale- (FSEE) y Tabletop exercises (TTEX) pa garantisa un respuesta adecua for di tur personal, plan y procedimento di emergencia, ekipo di emergencia y comunicacion. E ehercicionan di gran escala ta tuma luga un biaha cada dos aña y e Tabletop exercises ta un tipo di ehercicio cu ta rekeri unicamente un sala di reunion, un mapa di gran escala di e aerodrome di aeropuerto y un representante di cada unidad cu ta participa y un agencia presente.

Durante e ehercicio ta selecciona un area di accidente den e mapa aerodrome di aeropuerto y cada participante tin cu describi cua accion nan unidad of agencia lo tuma pa responde. E ehercicio por revela e problemanan manera frecuencia di comunicacion, falta di ekipo, terminologia confuso y area di hurisdiccion.

Durante e ehercicio tabletop di e aña aki, AAA a enfoca den e revision di e conclusionnan durante e ultimo evaluacion di e FSEE organisa na november aña pasa. Ademas, a revisa demas tarea principal cu no ta limita na e apoyo proporciona na e logisticanan di e departamentonan gubertamental den e instalacionnan di aeropuerto, escolta e autonan gubernamental riba airside, coordinacion di transporte di bus na e sitio di accidente y na e centro medico, resposabilidad di siguridad y apoyo na Cuerpo Policial di Aruba, e debernan di e ekipo di emergencia, controla e multidud den e landside area, crea e cordon na e area di accidente y alabes mantene e area sigur, evalua e dañonan na e instalacionan airside y un plan di accion pa recupera tur e instalacionnan pa habri e operacionnan di avion manera cu Department of Civil Aviation (DCA) caba cu su investigacionnan.

DCA a observa y duna su critica na e TTEX pa asina garantisa cumplimento di e responsabilidadnan asigna. AAA y e departamentonan gubernamental mester presenta un secuencia di informe di evento como parti di e evaluacion final di TTEX.

AAA ta gradici tur e agencianan envolvi pa nan participacion den e tipo di ehercicio aki cu ta sumamente importante pa asina garantisa cu tur e agencianan ta debidamente informa, capacita, prepara y comprometi cu nan respectivo responsabilidad den caso di un emergencia na Aeropuerto di Aruba.

Tocante AUA Airport

AUA Airport ta un di e aeropuertonan mas ocupa den region Caribe cu mas di 22 diferente aerolinea operando pa Aruba contribuyendo na mas cu 2.5 miyon pasahero pa aña y cu buelonan pa 22 diferente ciudad 34 diferente destinacion directo rond di mundo. Di e mercadonan u AUA Airport ta sirbi 79% ta for di Merca y Canada, 12% for di Latino America, 5% for di Europa y 4% for di Antia Hulandes te cu april 2023. AUA Airport ta reconoce cu esaki ta danki na e economia stabiel, clima politico, hospitalidad, populacion diversifica y siguridad general di nos isla. AUA airport su aspirashon ta pa bira un di e airportnan den region Latino Americano & Caribense mas Sostenibel, Sigur y A prueba di Futuro, brindando un luga di trabou confiabel, facilidadnan di airport moderno y un servicio excellente cu ta refleha hospitalidad Arubiano, contribuyendo na un futuro prospero pa Aruba.

Conoce mas di loke ta pasando na AUA Airport y dor di bishita www.airportaruba.com y connecta cu AUA airport riba Twitter.com/Aruba_Airport, Facebook.com/ArubaAirport, Instagram.com/arubaairport/ and Linkedin.com/ArubaAirport.

Dialuna 13 di maart 2023 BRA a ricibi bishita di un delegacion di JenV den cuadro di e “Inhoudelijke evaluatie van het bestedingsplan optimaliseren vreemdelingenketen”

Durante e encuentro aki a sinta cu e respectivo dienst/organisacionnan di Aruba kendenan tabata tin projectonan cu a restaura bou di e fondonan aki. A repasa e projectonan cu a wordo ehecuta y a haci palabracionnan pa cu e ultimo projectonan cu ta den ehecucion.

Por lo general mester bisa cu e encuentro aki a bay den un bon ambiente y a haci palabracionnan concreto di entrega di e relato final di e projectonan y relato financiero acorda dor di un accounting externo.

E delegacion tabata tin oportunidad pa puntra directamente na e respectivo dienst/organisacionnan di Aruba nan experiencia pa cu e projecto y kico ta nan recomendacionnan pa mehoracion pa cu futuro projectonan.

Ariba e potretnan por mira e delegacion di JenV y demas representantenan di Aruba. Tambe nan a haya e oportunidad pa mira tur locual BRA tin na material pa un situacion di emergencia.

Aruba a ricibi den cuadro di preparacion y ampliacion di e capacidad logistico pa ta prepara den un situacion di crisis e siguiente materialnan.

Esaki ta e prome parti di e pakete y den siguente lunanan lo sigi ricibi e otro partinan correspondiente na e Multi Purpose Response Logistic Tents.

Tur esaki ta den cuadro di un projecto di Southcom pa haci Caribe mas resiliente, atraves di Consul di Merca stationa na Curacao Aruba a ricibi e prome parti di e pakete Multi Purpose Response Logistic.

Durante bishita di representantenan di Embahada di USA, State Government, United States Navy hunto cu representantenan di BRA a dialoga riba posibilidad pa sosten.

A presenta diferente necesidadnan entre otro di materialnan cu Aruba tin riba su lista di prioridad.

Asina a yega na e desicion pa un Multi Purpose Response Logistic cual lo por wordo uza como un hospital di emergencia.

Pa cu esaki a acerca companianan cu por ofrece dicho producto na Aruba. Hunto cu e partnernan a yega na e material di Deployed Logix.

Diferente intercambio a tuma luga pa Aruba BRA por a sigura cu e producto cu Aruba lo ricibi ta uno adecuado pa nos situacion.

Dianan 13 y 14 di juni tabata na Aruba Sr. Andrés Calvo kende ta e Sales Ambassador di DLX – Deployed Logix, alabez e instructor cu tabata encarga pa train e personal con pa hasi e field hospital operacional.

BRA ta ampliando poco poco su capacidad logistico pa atende situacionnan di emergencia cu presenta na Aruba.

KENDE POR HACI UZO DI DICHO MATERIALNAN?

Tur e material y ekiponan di logistica cu BRA ta maneha ta pa tur e dienstnan (clusternan) por uza na bienestar di nan trabounan pa combati e situacion di crisis cu por a presenta.

BRA ta gradici tur cu a haci posibel cu e proyecto aki a wordo realisa.Pronto lo wordo presenta un proyecto grandi pa Aruba den cuadro di Resilience