Category: Actividad

CMO lo expone tur su ekiponan pa asina e publico bishitante por sera conoci mas di cerca kico tur CMO tin pa ora di un eventual crisis presenta.

Durante e opendag e publico por conoce tur e vehiculonan y tambe nan funcion dirante un crisis. Durante cu ta bishita e post di CMO, lo tin e oportunidad pa haci algun tareanan pa asina cera conoco mas di e trabou di CMO.

Actualmente CMO ta den ehecucion di e projecto di Sistema di Alerta Trempan (Early Warning System) pa Aruba. Esaki ta pa asina cumpli cu e mandato di Nacionnan Uni EWS 4ALL cual ta un exigencia cu pa 2027 tur pais na mundo mester tin un sistema di Early Warning.

Pa e opendag 2024 aki CMO tin un seccion na su post, caminda lo tin un replica di un Alarma di Early Warning. Den cuadro di promocion y concientisacion di e comunidad pa cu e projecto di Early Warning System pa Aruba, CMO lo tin un contest di portet caminda cu tin varios premionan pa e ganadornan.

Con pa participa:

• Tur bishitante cu saca nan potret para banda di e replica di e alarma.
• Follow e page di CMO riba Facebook
• Post bo potret y tag CMO e potret saca banda di e replica di e alarma.

Diabierna 3 di mei 2024 lo saca e ganadornan.

Tur persona cu ta participa na e training regional di tsunami Caribe Wave 2024 tin cu yena e siguiente formulario. Pa medio di e formulario CMO lo tin un bista di e cantidad di participantenan na dicho simulacro. Tambe cu e informacion ricibi lo saca e cifra di e cantidad di posibel victima, morto of desaparecidonan pa cu e simuclacro di Caribe Wave 2024.

Yena e formulario y mail esaki bek na cmo@crisis.aw

Nacionale Academie voor Crisisbeheersing lansa un plataforma  caminda cu tur persona cu ta interesa lo por participa na cursonan online  pa cu Maneho di Crisis.

E formato di e-Learning ta brinda e oportunidad pa engrandece e conocemento pa cu e tema encuenstion.

Con pa participa?

Un persona cu ta interesa pa participa den e modulo di E-learing lo tin cu manda un mail na e account di e-mail di nac@minjenv.nl caminda cu ta solicita pa e por haya e aprobacion pa asina por sigui e cursonan online. Lo ricibi bek un mail caminda ta confirma bo registracion y asina por cuminsa sigui dicho cursonan.

Kende por participa?

Tur persona cu tin e interes pa engrandece nan conocemento riba e tema maneho di crisis. Por haya e informacion con e sistema di atende un crisis den tur e paisnan den Reino Hulandes.

Beneficionan di e plataforma aki?

E plataforma ta brinda e oportunidad pa sera conoci con cada pais ta atende ora crisis pero tambe pa den caso cu un pais ruman mester yuda otro, e persona cu ta bay na dicho pais por tin e conocemento di con e structura den dicho pais ta. E plataforma ta brinda e oportunidad pa den caso cu mester brinda ayudo, kende ta e personanan cu cualnan lo tin cu atende y tambe kende ta responsabel.

Mensahe di CMO

Hasi uzo di e oprtunidad aki y sera conoci mas di cerca cu e tema di Maneho di Crisis (Crisisbeheersing)

Di parti di Crisis Management Office Aruba nos ta den e proceso di monitor, ya cu nos oficina a ricibi e informacion di e posibel derame aki.

A informa Meteo pa e parti di monitor e stroom pa asina nos por keda evalua e situacion pa asina por tin un bista di e risico/menasanan cu lo por tin pa Aruba.

Segun e modelonan ricibi y informacion for di Meteo Aruba ta cu e stroming pa e proximo 48 ora lo keda bay di oost pa west y e lo no ta bini Noordwest cual lo por tin efecto pa Aruba.

Den caso di cualkier cambio CMO lo informa na tempo pa cu esaki.

Representante di Comision Europeo encarga cu islanan hulandes na Guyana, sr. Rene van Nes, a bishita 3 projecto financia pa e fondo regional di Union Europeo RESEMBID. 

Presentacionan hopi interesante cu ta splica e 3 projectonan, nan avancenan y nan impacto a wordo duna.

1. Turning the tide, maintaining economic resilience through hands on restoration and conservation of its marine biodiversity, implementa pa FPNA y universiteit van  Wageningen

2. Aruba’s public safety and multihazard early warning system (EWS), implementa pa Rampenbureau Aruba

3. Validation of replicable methods for coastal ecosystem monitoring, implementa pa Metabolic Foundation

Director di Bureau Rampenbestrijding Aruba Sr. Rino Hermans y Humphrey Gomes cu ta encarga cu Opleiding en Oefeningenan a hasi un presentacion di e tareanan di BRA y tambe con e cooperacion den caso di crisis na Aruba ta cana. Esaki a sosode durante e Desaster Camp di Rode Kruis Aruba.

Bureau Rampenbestrijding Aruba (BRA) tambe a participa na e “Week van de Crisisbeheersing, Caribisch deel van het Koninkrijk 22 – 25 mei 2023”.
Durante e encuentro aki cada un isla di Caribe Hulandes a duna un presentacion di nan forma di traha pero tambe retonan cu nan ta confronta. A haya un bista tambe di e instancianan na Hulanda cu den caso cu un crisis presenta kico ta nan rol pero tambe e structura di comunicacion. Por conclui cu e encuentro aki a yuda tur participante haya un bista mas cla di cada isla. Tambe a mehora e netwerk, structura cu tin cu mantene y ki ora ta activa e instancianan. Por lo general un siman di trabou frutifero y awor lo bay revisa e plannan di Aruba y hasi e adaptacionnan necesario na unda esaki ta rekeri.