CMO

Rampenbureau a wordo lanta dia 1 di augustus 2000 y na aña 2003 el a haya su prome director kende tabata sr. Bibi Arends. Prome cu esaki Aruba tabata conoce Directie Openbare Orde en Veiligheid pero a crece e necesidad pa bin cu un Departamento cu lo dedica specificamente na calamidad. Despues na 2009 e departamento a conoce un otro hoofd den persona di Jaime Donata.

E tareanan prome di Rampenbureau tabata pa traha plan y train tur e dienstnan corespondiente, mihoconoci como e driepoot. Despues di esaki na 2016 a cambia e maneho di Aruba su rampenbestrijding pa uno horizontal unda cu a bin cu tur e clusternan ta responsabel, hunto cu tur e partnernan na Aruba manera scol y comercio ya asina no ta gobierno so ta duna asistencia pero tur hende ta responsabel. Esaki ta loke nos ta yama autosuficiente (zelfredzaam), nos tur mester ta responsabel pa proteha nos mesun bida, edificionan y infrastructura. Basa riba esaki e departamento a keda crece y a wak e necesidad pa cu e parti logistico di Aruba. A pesar cu tur e plannan tabata aproba, pero e parti logistico a hunga un rol cu nos no tabata dedica mucho tempo na dje.

Na aña 2020 nos a conoce e pandemia y eynan por a ripara cu Rampenbureau a haya un acogida cu tur hende a cera conoci cu Rampenbureau mas di cerca, kico ta su tareanan, cu no tabata solamente desasternan natural, miho conoci como horcan na Aruba. Despues di esaki riba mercado internaciona Disaster Risk Reduction di United Nations a cuminsa recomenda pa cambia standardnan di e maneho di desaster na Aruba pa un maneho di reduci riesgo. Y basa riba esey a cambia e maneho pa cu desaster na Aruba pa por bin na remarca pa sosten internacional di fondo. Y basa riba esaki Union Europeo a yuda Aruba cu e early warning paso Bureau Rampenbestrijding a cumpli cu cierto exigencianan cu nan ta exigi pa financia proyectonan. Despues di esaki awor aki ta bayendo pa e next level cual ta cambia e branding di BRA pa CMO pa asina tin mas oportunidad pa cu Organisacionan internacional.

Tur hende cu ta search pa e openbare veiligheid di Aruba por busca esaki riba Crisis Management Office Aruba cu ta bay bira e website. Basa riba esaki ta haciendo cierto cambionan. Mayoria cos ta bay keda igual. Logo ta keda mescos, solamente e letternan ta cambia di BRA pa CMO. Kico CMO ta bai nifica den e tempo nos dilanti? BRA ta bezig cu departamento di Recurso Humano(DRH) pa e organisacion amplia y esaki ta biniendo unda cu lo tin cinco departamento di cual un di nan ta departamento di Proyecto caminda cu lo por bay internacionalmente pa busca fondo y unda lo fortifica tur e departmentonan na Aruba. Pa maneho di crisis lo tin un otro departamento cu ta den desaroyo y cu ta wordo yama Ontwikkelingsafdeling. E departamento aki lo bin cu technica y software pa digitalisa crisisbeheersing na Aruba cu ta biniendo combina cu e early warning system.

E parti logistico ya tur hende ta conoci caba cune y e parti di maneho cu yama Beleidszaken. Esey ta e futuro di CMO. Na banda tin e proyecto cu ta yama Aruba Resilience 2030 cual tin 62 punto di accion cu mester tuma accion riba nan. Hunto cu gobierno y partners internacional pa asina sigui fortifica Aruba pa deal cu tur e situacionnan di risico cu tin y monitor e Sistema di climate change y kico ta su efectonan y consecuencian pa Aruba pa asina cuminsa cu e proceso di mitiga.

Na banda ta bezig cu e Proyecto den planning cu ta certifica tur departamento, tur scol, tur comercio pa nan siña tin nan propio crisisteam, mirando cu Aruba ta bayendo pa zelfredzaamheid. Asina kier tin un pueblo cu e openbare veiligheid riba un nivel aceptabel mundialmente. Tur esaki Bureau Rampenbestrijding of Crisis Management Office ta toezichthouder riba e calamiteitverordening. Calamiteitenverordening ta duna e minister president e autoridad pa dirigi e crisis y e ta dun’e autoridad pa vorder si ta necesario den un caso di calamidad.

Si nos por corda 2020 cu nos a introduci toque de queda, cera tur negoshi, cera nos frontera; tur esaki ta basa riba e calamiteitverordening di cual Bureau Rampenbestrijding ta e toezichthouder riba dje y eyden ta un ley cu ta bisabo exactamente kico tur departamento mester cumpli cune. Kemen basa riba e calamiteitverordening e ta duna e Minister President, kende ta bira e opperbevelhebber, e autoridad pa bin cu un ministeriele regeling cu por cera negoshi, cu por bin cu avondklok, por vorder di e negoshinan den caso di calamidad grandi cu tur pompstation por wordo tuma den beslag den forma cu por uza e fuel pa First Respondersnan, tur cuminda por wordo tuma den beslag den forma cu por parti den forma igual pa tur ciudadano cu ta biba na Aruba. Full e proceso di Rampenbureau, Crisis Management office Aruba ta basa riba e calamiteitverordening cu ta un ley.