E trabou primordial di CMO Aruba ta pa maneha crisis pa scapa bida di hende, infrastructura y economia di Aruba.
Month: September 2023
Tin un alarma pa horcan?
Oficialmente tin 2 fase di alarma pa horcan:
1. Alerta di horcan (Hurricane Watch)
2. Aviso di horcan (Hurricane Warning)
Representante di Comision Europeo a bishita 3 projecto
Representante di Comision Europeo encarga cu islanan hulandes na Guyana, sr. Rene van Nes, a bishita 3 projecto financia pa e fondo regional di Union Europeo RESEMBID.
Presentacionan hopi interesante cu ta splica e 3 projectonan, nan avancenan y nan impacto a wordo duna.
1. Turning the tide, maintaining economic resilience through hands on restoration and conservation of its marine biodiversity, implementa pa FPNA y universiteit van Wageningen
2. Aruba’s public safety and multihazard early warning system (EWS), implementa pa Rampenbureau Aruba
3. Validation of replicable methods for coastal ecosystem monitoring, implementa pa Metabolic Foundation
Multi Hazard Early Warning System Aruba
Multi Hazard Early Warning System Aruba ta un projecto cu ta restaura bou di RESEMBID cual projecto ta wordo implementa bou di Expertise France pa medio di fondonan di Union Europeo. E programanan cu ta acapara den e projecto aki ta entre otro programa di:
• Resiliencia
• Energia sostenible
• Biodiversidad marino
Aruba a ricibi oficialmente dia 28 di januari e documentonan corespondiente pa e acto di firmamento por a tuma luga.
Historia:
Despues di 3 aña di a pasa dor di tur e procesonan dor di participa na varios dialogo pa asina por a cumpli cu tur e exigencianan pa asina por logra bou di e projecto di resiliencia un sistema moderno di alerta y di multi uzo pa asina logra na salba mas bida.
A traha cu diferente partnernan locual y internacional pa asina por a yega na concretisacion di dicho projecto.
Aprobacion di projecto:
Riba e dia 6 di februari 2023 a tuma luga “Regional Launch of the Early Warning for All Initiative (EW4ALL) for the Caribbean”, Aruba a ricibi pa medio di un mail oficial e documentonan firma cu e projecto cu Multi Hazard Early Warning System Aruba a keda oficialmente aproba.
Procesonan cu ta sigui:
Pa cu e projecto aki Aruba tin 12 luna pa su ehecucion completo. Lo traha cu diferente partnernan locual y internacional pa asina logra e projecto aki ta uno exitoso 100%.
Durante e lunanan nos dilanti lo ta bay :
• Presentacion
• Training
• Campaña di concientisacion y informacion
• Atende cu distribidornan di ekiponan
• Maneha e proceso financiero
Gradicimento:
Un palabra di danki ta bay na tur cu a aporta pa asina Bureau Rampenbestrijding Aruba (BRA) por a logra pa haci e aplicacion te cu a pasa e proceso completo te cu a logra ricibi e aprobacion pa realisacion di dicho projecto.
Tambe BRA ta gradici Resembid – Expertise France pa tur e sosten profesional cu a ricibi durante e proceso pa por a haci e aplicacion.
Durante e siman si 20 pa 24 di maart 2023 BRA a ricibi bishita di representantenan di Resembid.
Presente na Aruba tabata Sr. Edward Turvill Senior Programme Manager – Resilience and Covid-19 Resilient Response Facility, Sr. Vinko Jukic y Sra. Daniela Stojanova.
Durante e e bishita a repasa e projecto di Early Warning System cu a wordo acorda pa Aruba. A repasa puntonan cu mester tene na cuenta cu nan y tambe a repasa e plan di ehecucion.
Pronto lo manda mas informacion pa comunidad di e desaroyo di dicho projecto cu lo ta uno di sumo importancia pa Pais Aruba.
Ariba e potretnan por haya un bista di e bishita:
Educacion y Ehercisio
Crisisbeheersing, Caribisch deel van het Koninkrijk
Bureau Rampenbestrijding Aruba (BRA) tambe a participa na e “Week van de Crisisbeheersing, Caribisch deel van het Koninkrijk 22 – 25 mei 2023”.
Durante e encuentro aki cada un isla di Caribe Hulandes a duna un presentacion di nan forma di traha pero tambe retonan cu nan ta confronta. A haya un bista tambe di e instancianan na Hulanda cu den caso cu un crisis presenta kico ta nan rol pero tambe e structura di comunicacion. Por conclui cu e encuentro aki a yuda tur participante haya un bista mas cla di cada isla. Tambe a mehora e netwerk, structura cu tin cu mantene y ki ora ta activa e instancianan. Por lo general un siman di trabou frutifero y awor lo bay revisa e plannan di Aruba y hasi e adaptacionnan necesario na unda esaki ta rekeri.
Kiko ta un tsunami?
Un tsunami ta un serie di ola cu ta forma a consecuencia di un disturbio den lama. E olanan aki por yega
tera den par di minuut pero por continua pa oranan largo. Un tsunami ta forma door di un temblor na
costa of bou awa, un schuifmento di tera of erupcion di un volcan.