E trabou primordial di CMO Aruba ta pa maneha crisis pa scapa bida di hende, infrastructura y economia di Aruba.
CMO tambe lo ta presente un biaha mas na e Opendag di Marinierskazerne Savaneta (MSKSAV) dia 1 di mei 2024.
CMO lo expone tur su ekiponan pa asina e publico bishitante por sera conoci mas di cerca kico tur CMO tin pa ora di un eventual crisis presenta.
Durante e opendag e publico por conoce tur e vehiculonan y tambe nan funcion dirante un crisis. Durante cu ta bishita e post di CMO, lo tin e oportunidad pa haci algun tareanan pa asina cera conoco mas di e trabou di CMO.
Actualmente CMO ta den ehecucion di e projecto di Sistema di Alerta Trempan (Early Warning System) pa Aruba. Esaki ta pa asina cumpli cu e mandato di Nacionnan Uni EWS 4ALL cual ta un exigencia cu pa 2027 tur pais na mundo mester tin un sistema di Early Warning.
Pa e opendag 2024 aki CMO tin un seccion na su post, caminda lo tin un replica di un Alarma di Early Warning. Den cuadro di promocion y concientisacion di e comunidad pa cu e projecto di Early Warning System pa Aruba, CMO lo tin un contest di portet caminda cu tin varios premionan pa e ganadornan.
Con pa participa:
- Tur bishitante cu saca nan potret para banda di e replica di e alarma.
- Follow e page di CMO riba Facebook
- Post bo potret y tag CMO e potret saca banda di e replica di e alarma.
Diabierna 3 di mei 2024 lo saca e ganadornan.
FAQ
Oficialmente tin 2 fase di alarma pa horcan:
1. Alerta di horcan (Hurricane Watch)
2. Aviso di horcan (Hurricane Warning)
Un tsunami ta un serie di ola cu ta forma a consecuencia di un disturbio den lama. E olanan aki por yega
tera den par di minuut pero por continua pa oranan largo. Un tsunami ta forma door di un temblor na
costa of bou awa, un schuifmento di tera of erupcion di un volcan.
Temporada di horcan pa e region Atlantico Tropical y Caribe ta cuminsa dia prome di juni y ta termina dia 30 di november.
Contact