Kico ta un tsunami?
Un tsunami ta un serie di ola cu ta forma a consecuencia di un disturbio den lama. E olanan aki por yega tera den par di minuut pero por continua pa oranan largo. Un tsunami ta forma door di un temblor na costa of bou awa, un schuifmento di tera of erupcion di un volcan. Impacto di meteorietnan grandi tambe por causa tsunami. Tur fuente conoci y capaz pa causa un tsunami ta presente den e region Caribense y e islanan den cercania. Esaki sin lubida cu tin tambe fuentenan distante den henter e area Atlantico. Algun otro pais den region tambe ta exponi na tsunami via e costanan Pacifico.
Un tsunami por forma den Caribe of regionan den cercania?
Un tsunami ta un serie di ola cu ta forma a consecuencia di un disturbio den lama. E olanan aki por yega tera den par di minuut pero por continua pa oranan largo. Un tsunami ta forma door di un temblor na costa of bou awa, un schuifmento di tera of erupcion di un volcan. Impacto di meteorietnan grandi tambe por causa tsunami. Tur fuente conoci y capaz pa causa un tsunami ta presente den e region Caribense y e islanan den cercania. Esaki sin lubida cu tin tambe fuentenan distante den henter e area Atlantico. Algun otro pais den region tambe ta exponi na tsunami via e costanan Pacifico.
Tsunami na caminda?
Banda di e mensahenan di alerta cu e centronan di advertencia y autoridadnan nacional ta emiti,tsunaminan hopi bes ta wordo precedi pa señalnan di advertencia den naturalesa y reconociendo e señalnan aki por scapa bo bida ora e momento yega.
No warda pa avisonan oficial di evacuacion ya cu hopi bes lo bo no tin tempo suficiente pa evacua.
SEA SABI, CONOCE E SEÑALNAN
Prome cu un tsunami
- Tuma contacto cu autoridad local pa informa bo mes riba e proceduranan na momento cu nan adverti publico pa un tsunami, e situacionnan menasante cu por surgi y tambe actividadnan preparatorio pa comunidad.
- Cu ayudo di e autoridadnan di BRA y teamnan cu ta maneha situacionnan di desaster, identifica areanan potencialmente vulnerabel y tambe lugarnan unda grupo di hende por reuni, a base di mapanan cu ta mustra ubicacion di lugarnan cu posibilidad di inundacion of lugarnan apto-apropia pa un evacuacion.
- Determina rutanan di escape cu ta hiba na lugarnan mas halto cu e nivel di lama.
- Den e areanan cerca di costa identifica cual edificionan ta mas cu tres piso halto, ta traha di concrete y ta safe pa uza na momento cu ta necesario pa evacua verticalmente.
- Percura pa famia y colega ta reconoce e señalnan den naturaleza cu ta adverti cu un tsunami ta na caminda ya cu den casonan inespera advertencianan oficial ta casi imposibel pa duna na tempo.
- Prepara un plan di emergencia pa tsunami y percura pa practica esaki cu famia y coleganan.
- Prepara un backpack/rugzak/mochila di emergencia cu ta inclui articulonan di emergencia manera cuminda den bleki, medicamento, flashlight, radio cu ta traha cu bateria, awa limpi y material di prome auxilio (EHBO-kit/first aid kit)
Durante un tsunami
- Sigui orden di autoridad oficial. Sin embargo, si bo reconoce e señalnan cu ta mustra cu un tsunami ta na caminda, no warda riba advertencia oficial pa evacua. Corda cu probablemente autoridadnan oficial lo no ta bay tin suficiente tempo pa duna advertencia di evacuacion y emiti un tsunami warning.
- Si bo ta na beach y bo ta reconoce e señalnan den naturaleza cu ta adverti bo cu un tsunami ta na caminda, move imediatamente y preferiblemente na pia, pa un ubicacion cu ta mas halto cu nivel di lama. Laga tur cos atras ya cu salba un bida ta mas importante cu bo posesionnan.
- Si bo no tin forma pa yega na un luga cu ta mas halto cu nivel di lama, busca un edificio cu ta por lo menos tres piso halto of busca un dak of edificio cu ta traha cu structuranan di hero.
- Tin biaha un tsunami lo tuma lugar sin cu e lama ta hala bay aden prome. Den casonan asina lo bo mira un ola enorme ta bin den bo direccion. Si bo por wak e ola aki, bo ta ya demasiado cerca pa bo por core bay un lugar safe.
- Como ultimo recurso, bo por subi den un palo halto y fuerte y wanta duro.
- Si tempo ta permiti, por nabega cu un boto bay lama grandi unda cu e awa ta por lo menos entre 100-400 meter di profundidad.
- Prepara un backpack/rugzak/mochila di emergencia cu tur articulo esencial (awa, cuminda cu no ta daña liher, bateria, radio portabel cu ta traha cu bateria y flashlights) cu bo por tin mester na momento di un posibel evacuacion of si bo a keda cera of pega un caminda sin salida.
- E olanan di un tsunami por inunda areanan mas parti paden di e isla. Si bo wordo lastra pa un tsunami y e bay cu bo, busca algo cu bo por wanta na dje y keda drief.
- Un tsunami no ta consisti di un ola so, pero ta un serie di ola tras di otro y cu coriente fuerte cu ta yega tera y por afecta e beachnan y puerto pa basta ora. Tene cuenta cu e prome ola no necesariamente lo ta e di mas grandi.
- Si autoridadnan concerni emiti un advertencia pa tsunami, nunca bay beach pa wak e olanan yega tera.
- Keda den un localidad safe y warda te ora All CLEAR wordo anuncia oficialmente, door di por ehempel e Oficina di Maneho di Desaster, y ta safe pa subi caya atrobe. Esaki por dura hopi ora.
Despues di un tsunami
Si ta posibel, keda den sintonia di radio y television pa keda na altura di ultimo informenan di emergencia.
Solamente sali pafo di unda bo ta si e autoridadnan concerni anuncia cu ta safe pa haci esaki y duna ALL
CLEAR cu bo por sali.
Unabes cu autoridadnan concerni anuncia ALL CLEAR oficialmente bo mester haci e siguiente cosnan:
- Keda leu di awa stanca.
- No drenta edificionan cu a sufri daño debi na e tsunami.
- Yuda personanan herida of cu ta pega un caminda cu nan no por move ni sali. Busca ayudo pa nanControla pa leak di gas y si tin beerput of tuberia di awa cu a kibra of sufri daño.
- Habri bentana y portanan pa asina e parti paden di edificionan por seca mas liher.
- Check pa tin suficiente suministro di cuminda y corda test e calidad di awa.
- Cuminda fresco cu a bin den contacto cu awa durante inundacion, probablemente ta contamina y mester wordo benta afo.
- Elimina lodo fo’i rond di bo cas of edificio mientras cu e ta muha ainda ya e murayanan y vloernan por haya chens di seca debidamente.
Si bo ta reconoce cualkier señal cu un tsunami por ta asercando, move mas liher posibel pa un lugar safe y cu ta mas halto cu e nivel di lama.
Advertencia
Advertencianan di tsunami ta wordo duna door di autoridadnan competente na puntonan oficial di comunicacion. E advertencianan aki ta contene informacion pre-liminario di un temblor y ta indica si tin menasa di un tsunami.Ora ta spera un tsunami, e boletinnan ta contene informacion di tur pais cu lo por wordo afecta door di e tsunami, e orario cu ta spera e yegada di e tsunami y observacionnan cu a wordo haci te na e momento ey.Solamente instancianan oficial y gubernamental tin e autoridad pa tuma decision cu ta regarda e estado di alerta den e area y e accionnan cu lo mester tuma lugar.Informacion por cambia, por wordo adapta geograficamente, por wordo downgraded of cancela, pues bo MESTER keda monitorea y sigui e consehonan cu autroidadnan nacional y local duna y keda alerto pa cualkier señal di naturalesa cu un tsunami ta na caminda. Autoridadnan local por emiti ordonan di evacuacion, pero kisas nan lo no tin suficiente tempo pa haci esaki pues evacua imediatamente si bo reconoce e señalnan di advertencia cu naturalesa ta duna bo.